Poesie di Antonio de Curtis, in arte Totò (tra solare sentimentalismo e rassegnata protesta sociale) Seconda parte

a cura di Franco Martini Poesie antivirali
Giovinazzo - domenica 25 luglio 2021
Napoletanità
Napoletanità © Archivio Mino Ciocia

     'E dduje 'nnammurate

For' 'o balcone tengo ‘na cajola*    [gabbietta]
cu dinto ‘nu canario 'ncardellato,
che canta tutt' 'o iuorno a squarciagola,
pecchè st'aucelluzzo è 'nnammurato
e’ na canaria bionda comm'a ll'oro,
comm' 'e capille d' 'a padrona soja.
E io pure pe ‘sta bionda me ne moro
e canto appriesso a isso... ch'aggia fà?!

E tutt' e dduje cantamme inutilmente,
isso "Volare" e io "Anema e core".
Ma sta signora bionda è indifferente
e nun ‘o vvò capì ca mme ne moro.
Pure 'a canaria fa comm' 'a padrona,
e st'aucelluzzo mio sta ascenno pazzo...
A vvote po', si canta, piglia e stona,
e i' stono appriesso a isso... ch'aggia fa?!

      ‘A cuscienza

Tengo nu cane e’ caccia, bello assaje,
fedel sulo a me, comme tutt’ ‘e cani,
ma nu difetto ‘o tene ‘mberità:
quann’i’ a nu auciello sparo,
me guarda cunfuso e nun ‘o va a piglià.
Stu fatto è poco chiaro,
- “Ma sì’ o nun sì’ nu cane e’ caccia?
Co’ ‘e sorde ca me cuoste!
Putisse pure tené nu poco e’ cuscienza!-
- “Nu me fa ridere” – rispunnette ‘o cane
(ca pe nu momento chissà comme parlaje)
- “Tu me parli e’ cuscienza?
Ma saje ‘o signifecato e’ sta parola?
Già, nun ‘o puo’ sapé! Tu l’aje perza
Quanno aje accattato stu ribbotto*    [fucile a doppia cana]

     S’i’ fosse n'auciello

S’i’ fosse n'auciello, ogne matina
vurria cantà 'ncoppa a’ fenesta toja:
"Bongiorno ammore mio, bongiorno ammore!".
E po' vurria zumpà 'ncoppa e’ capille
e chiano chiano, comme a ‘na carezza,
cu stu beccuccio accussì piccerillo,
mme te mangiasse e’ vase a pezzechillo...
si fosse nu canario o nu cardillo.

     'A cunzegna

'A sera quanno 'o sole se nne trase
e dà 'a cunzegna a’ luna p' 'a nuttata,
lle dice dinto 'a recchia: "I' vaco a casa:
t'arraccumanno tutt' 'e nnammurate".

 

Lascia il tuo commento
commenti
Altri articoli
Gli articoli più letti